عيب يا زلام

الساعة الثامنة و الربع بتوقيت الاردن_ التاريخ هو العشرين من اذار لعام 2010

بعد ما يقترب من القرن على سقوط الخلافة العثمانية اتبعها سقوط كل المسلمين قاطبة معها و ما زالوا لا يعرفون كيف يرفعون رؤوسهم

المسجد الاقصى الان في خطر وشيوخ السلطان و فقهاء الامام و دعاة الشاشات يطلون علينا بكل صلافة بعد مئة عام ليجيبوا عن فتاوي القروض و الحجاب والنفاس و الاغاني

يا شيخ في قناة الرسالة.. معلش نوخد من وقتك الكريم شوي و تفتح على قناة اخبار و تشوف شو بصير بهاي الساعة و انت بتتفلسف.. صحيح المسجد الاقصى مسرى رسولي و رسولك الذي تقول انك تعبد ربه و تفتى حسب شرعه "بيتبهدل" لكن الاهم هو معرفة كيف يكون قرض السيارة حلال و لا حرام و مع انه ما حدا شايف المسلمين كلهم عراة من الداخل و الخارج ايضا الا انه المشكلة هي البنت اللي ما غطت شعراتها و مع انه الدم بفلسطين سايح على الاراضي الا انه كم نقطة دم بعد الولادة بمستشفى خاص اهم للبحث و مع انه صراخ و بكاء نساء فلسطين و العراق يصم الاذان لكن يجب في البداية ان نعرف اذا كان الاستماع لأغنية عاطفية جائز و لا لأ

انا رأيي تسأل الناس اللى الطيارات بتحوم فوق بيوتهم ليل نهار اذا الاستماع للأغاني حلال و لا شو!!

ضاعت الكلمات.. هاي اسمها قلة حيا و لا قلة مروة و لا قلة شرف.. اكيد قلة شرف لأنه لو عندهم شرف ما بحكوا عن اشي غير عن مشكلة المسلمين و بس

و بدل ما يمسكوا البرامج الامريكية و يأسلموها زي المقرف عمرو خالد ببرنامجه المجددون ... يعيدوا احياء مشكلتنا الاصلية بس اكيد كل واحد فيهم خايف على منصبه و مخصصاته المالية من احفاد سايكس و بيكو اللي عملوهم " زلام بدشاديش و لحى"

عشان هيك يا مسلمين احنا ما النا غير ملجأ واحد.. كل لواء و عقيد و عميد وضابط و فرد فيهم يسأل حاله بهيك وضع هوه شو و لوين ماشي.. بس يشوف حاله باللبس العسكري و النجوم اللي على كتفه يسأل حاله لمين هاد اللبس و الالقاب الكبيرة.. عشان الراتي اخر الشهر و العلاوة و التأمين الصحي و المقاعد الجامعية و لا عشان لما يوقف قدام رب العباد و يتحاسب عن دماء المسلمين و اعراضهم و ديارهم _على اعتبار انهم من اهل الحل و العقد _ يلاقي جواب يكفيه شر النار

كل واحد فيهم يفكر بجوا مقنع لما ينسأل عن الطيارات و الدبابات و البوارج اللي تحت ايده... ركنها لحد ما اكلها الصدا و لا حركها حسب واجبه الشرعي من اجل اخوانه

عدا ذلك فانا بدعوا للمقاطعة بس مش مقاطعة الاخوان الاوروبيين بل مقاطعة الجيوش